［話說我琴日睇演唱會無帶飛:(］
話說我每日都有好多7事
所以我諗如果喱個page用黎記錄我每日一7
會唔會識到好多同樣咁7嘅人呢
I am not alone!!!!!
講返正題喇！
琴日我去睇我最愛嘅B1A4演唱會
（仲要係第一次一條毒拎去）
點知出等到架巴士先醒起
「我無帶演唱會飛！」
我係街大叫左出黎，點解可以咁7
睇演唱會無帶飛真係世界上最7嘅事之一
不過心諗「唔驚宜家先6點，8點先開始」
咁我就行返屋企拎返張飛啦～
點知！！！我打開信封望張演唱會飛
7:00PM!!!!點解個app寫8點張飛寫7點！？
我個心慌到一個點！仲驚過玩長隆嘅過山車
「點算好～唔通我等左4年嘅B1A4就咁錯過」
搭的士落到葵芳已經係6點半！
人生已完～得返半個鐘攻燦就出場喇
然後我睇下fb見到有人話佢已經入左場
我望住係地鐵站嘅自己
「我覺得自己係零 」我終於明白阿源
最後我搭左人生第一次機鐵(原來有折)
岩岩好一入場 演唱會就開始喇
可能未黎得切心理準備最愛嘅來臨
所以一開波就開始喊喇(平時真係好少喊)
諗起中學到宜家B1A4同少女時代係我精神支柱
今日我終於見到真人！(仲好近)
我真係好L開心啊!!!係攻燦啊！
搵到自己鍾意嘅野真係好難得！
我拍左少少片記錄琴日 後日剪
最後送上我最愛嘅攻燦嘅合照
暫時最FF嘅夢想係同佢拍我結☺️
（我知道攻燦係BANA嘅，我FF咖咋）
Search